Буйнакск райондагъы юртланы китапханаларында Агьлюню йылына багъышланып «Уллу агьлюлени ял алыв гюнлери» деген чараны оьлчевюнде тюрлю-тюрлю ёлугъувлар оьтгерилип тура.
Янгы Къумукъдагъы район китапхананы къуллукъчулары да гёз алгъа тутгъан иш планына гёре Россияны язывчуларыны ва журналистлерини союзуну члени, республикада чыгъагъан «Ёлдаш» газетни къуллукъчусу, шаир Казим Казимов булан гезикли ёлугъувун оьтгердилер.
Китапхананы уллу залына жыйылгъан охувчулар шаирни артда чыкъгъан «Акъ кагъызгъа къара хат» деген шиъру китабыны айланасында лакъыр юрютдюлер, китапны авторуна кёп санавдагъы соравларын берип, жаваплар алдылар, кёп сююп уьйренген асарларын гёнгюнден айтдылар.
Ёлугъувну ахырында Казим Буйнакск районну китапханасына савгъат гьисапда оьзюню агьлю архивинден 100 китап тапшурду.
С. ВАЛИЮЛЛАЕВА,
район китапхананы къуллукъчусу.
СУРАТДА: ёлугъувну вакътисинде.
