Межитде къылмакъ макътала

Рамазан айны узагъында яссы намаздан сонг къылынагъан таравих намаз  сюннет намазлардан бириси гьисаплана. Шо намазны межитде жамият булан бирче къылмакъ макътала. Шолай этип болмагъанда, уьйде янгыз къылмагъа да ярай. Аслу гьалда таравих намазда 8 ракаат, демек, экишер ракаат этилип, 4 намаз къылына. Тек 20 ракаатны – экишер ракаат этип, 10 намаз къылса яхшы. Магьаммат Пайхаммар (алайгьи салам) таравих намазны вакътисинде башлап экишер ракаатлы 10 намаз къыла болгъан. Шондан сонг жамиятгъа енгиллешдирмек учун, 8 ракаат булан тамамланып къалгъан.

 

Таравих намаз битгенде, жамият булан бирче башлап эки ракаатлыкъ, сонг дагъы да бир ракаат витру намаз къылына. Таравих намазланы арасында охулагъан 3 дуа бар. Шоланы биринчиси яссы ва сюннет ратибат намазланы къылгъан сонг охула. Шо дуаны биринчи ва уьчюнчю таравих намазлардан, олай да биринчи эки ракаатлыкъ витру намазлардан сонг да охумагъа тюше: «Ла гьавла вала къуввата илла биллагь. Аллагьумма салли ала Мугьаммадин ва ала али Мугьаммадин ва саллим. Аллагьума инна насъалукал жанната ва ннаузубика минаннар». Экинчи ва дёртюнчю таравих намазлардан сонг уьчер керен экинчи дуаны ва бирер керен биринчи дуаны охуй.

«Субгьана ллагьи вал-гьамду лилла-гьи ва ла илагьа илла ллагьу ва ллагьу Акбар Субгьана ллагьи гьадада халкъигьи ва ризаа нафсигьи ва зината гьаршигьи ва мидада калиматигь». «Субгьанал-маликил-къуддус (эки керен). Субгьана ллагьил-маликил къуддус, субугьун къуддус раббул малаикати вар-ругь. Субгьана манн тагьаззаза билкъудрати вал-бакъаъ ва къагьагьарал ибада бил-мавти вальфанаъ. Субгьана раббика ррабил гъи зати амма йасифун ва саламун алал мурсалина ва вал-гьамду лилагьи ррабил аламин». Шу уьч де дуаны таравих намазгъа жыйылгъанлар барысы да бирче къычырып охуй

 

Насрулла БАЙБОЛАТОВ.

 

Авторизация
*
*
Регистрация
*
*
*
Согласны с условиями сайта?
Генерация пароля