Украина бойда юрюлеген хас асгер гьаракатда, Запорож областны Работино деген юртун азат этивде гёрсетген къоччакълыгъы ва игитлиги учун, бабаюртлу Руслан Абакаров Россияны Президенти Владимир Путинни Указына гёре Жуковну медалы булан савгъатлангъан.
Офицер Р. Абакаров 26 йылны узагъында Бабаюрт районну ич ишлер бёлюгюнде загьмат тёкген. Тийишли ял алыв йыллары гелсе де, ол Ватанына къоркъунчлукъ тувгъанда ягъада къарап болмай, оьз къошумун этмеге токъташа ва агьлюсю булан эки авлетин де къоюп, Россия Федерацияны Савутлу Гючлери булан дыгъар байлап, хас гьаракатгъа къуршала.
2023-нчю йылдан берли, Руслан алда токътагъан асгерлени сыдрасында ёлдашлары булан командованиени тапшурувларын уьстюнлю кюйде кюте. Работино деген юртну азат этивде Р. Абакаров актив ортакъчылыкъ эте ва оьзюню яралангъан дав ёлдашларын ажжалдан къутгъара туруп, оланы къоркъунчлу ерден гёчюрмеге кёмек этген.
2024-нчю йылны апрель айыны ахырында Россия армияны алдынлы бёлюклери Работино юртда байрагъын бийикге ерлешдиргенлер. Юртгъа байракъ къагъывда бизин якълы къоччакъ уланлар да ортакъчылыкъ этгени бизге оьктемлик къошду.
Герейхан ГЬАЖИЕВ.
СУРАТДА: Руслан АБАКАРОВ.
