Чилле айны биринчи гюнюнде чакъ нечик болса, сав айда да шолай оьтежек деп ёрала. Гечеден эртенге къырав басып чыкъса, гюндюз къар явмагъа имканлы. Эгер де чилле айда къар явуп, шо да тереклени бутакъларында ята буса, узакъ къалмай чакъ исси болажакъ деп гьисап этиле. Чилле ай сувукъ болса,  яй айлар берекетли болагъанны белгиси болуп  токътай. Биревюлейине, чилле айда иссилик  болса, язбашда чакъ салкъын.