«Ай булутгъа гиргенде»
Атав Атаев язгъан пьесагъа гёре бу спектакль Къумукъ театрны сагьнасында 16-нчы февральда ойнала. Режиссёру Ислам Казиев, композитору Георгий Исмаков, художниги Набиюлла Бамматов.
Шагьарда яшайгъан Саният эринден айрылып юртгъа гёче. Юртлу къатынлагъа оьзю йимик эрлери булан эришмей, татывлу агьлю къуруп яшагъыз деп уьйрете. Бу спектакльде Россияны ат къазангъан артистлери Тотуханым ва Байсолтан Осаевлер, Басир Магьамматов, Магьамматкамил Жабукъов, ДР-ни ат къазангъан артисткалары Сагьидат Межитова, Сабият Салимова оьзлени къужурлу оюну булан къаравчуланы разилигин ала.
«Чунайны тою»
Бу спектакльге Къумукъ театрны сагьнасында къаравчулар 17-нчи февральда ахшам еттиге ярымда къарама болажакъ. Балкъар тилден пьесаны Байсолтан Осаев таржума этген. Режиссёру Рабият Осаева-Гьажикамалова. Художниги Набиюлла Бамматов. Урлап жыйгъан миллионлары булангъы Чунай деген бизнесмен бу дюньяда оьзю нени де этме боламан, уллу гьакимлер булан яхшы аралыкъларым да бар деп, не сюйсе этип юрюй. Оьзюню тюкенлерин тергеп айланагъанда ол Танзиля деген оьтесиз исбайы къызны гёрюп къоя. Шондан сонг башлана тамаша гьаракатлар…
Спектакллер 18 сагьат 30 минутда башлана
Я. БИЙБОЛАТОВ.
