Украинли миллетчилени асгерлерини толу чапгъын этивю олагъа уьстюнлюк гелтирмей. Гьар гюн сайын адамларын тас эте туруп, артгъа тартылып туралар.

Маълумат къуралларда оланы гезикли чапгъынын токътатгъан Али Къаранаевни гьакъында язылып чыкъды. Ахтарып къарагъанда, 33 йыллыкъ шо улан къарабудагъгентли болуп чыкъды.

Али хас асгер гьаракатда ортакъчылыкъ этгенче уллу машинлер гьайдап, уьлкени тюрлю-тюрлю бойларында болгъан. Гьаракат башлангъандан берли шонда ортакъчылыкъ эте.

Янгыз терекден бав болмас, янгыз эркекден дав болмас деген айтывну Али гери ургъан. Взводну командирини орнунбасары болуп турагъан А.Къаранаев миллетчилени гезикли чапгъынын токътатгъан. Ол оьзю янгыз атылтыв алатлар юкленген машини булан душманланы чапгъынгъа онгарылгъан боюна гирме бажаргъан ва оьзю арекге тайып, машинни атылтгъан. Натижада гьужум этме гьазирленген машинлени кёбюсюне уллу зарал болгъан ва  чапгъын этип болмас гьалгъа тарытгъан.

Шо игитлиги учун Али Къаранаев Къоччакълыкъны ордени булан сагъатлангъан. 33 йыллыкъ уланны бу биринчи савгъаты тюгюл, ол алда да гёрсетген игитлиги учун «За отвагу» ва «За храбрость» деген медаллар булан да савгъатлангъан болгъан.

Игит уланыбыз оьзю йимик къоччакълар булан бирге Ватанны аманлыгъын­ сакълай ва оьзюне гёрсетилген борчланы жаваплы кюйде кюте. Ол уьстюнлюкню гюнюн ювукълашдырмакъ учун оьзюню гёрмекли къошумун эте.

 

Г. БЕК.

СУРАТДА: Къоччакълыкъны орденини кавалери А.Къаранаев.