Донбас бойда хас асгер гьаракат юрюлегенли йылгъа айлана тура. Шонда ортакъчылыкъ этеген дагъыстанлылар игитлик гёрсетегенни гьакъында кёп керенлер язгъанбыз. Олардан бешевюне Игит атлар да берилген.

Къоччакълыкъ гёрсетип, эр борчун намуслу кюте туруп жанын бергенлер Хумторкъали районда да бар. Районну башчысы Айнутдин Зиявутдинов шо агьлюлени тергевню тюбюнде сакълай, тарыкъ масъалаларын шо ерде чечме къаст эте. Артдагъы гезик де ол администрацияны жаваплы къуллукъчулары булан шо агьлюлерде болду, яшларына савгъатлар берди.

–Хас асгер гьаракатда ортакъчылыкъ этип жанын бергенлени агьлюлери даим де тергевню тюбюнде болажакъ. Биз олар булан оьктембиз ва авлетлери де аталарына ошап, асил къылыкълы ва намуслу болуп оьсежекге инанабыз, – деди ол, савбол эте туруп.