Гьали-гьалилерде Къоркъмаскъалада Хумторкъали райондан Украина бойларда хас асгер гьаракатда ябушуп жан бергенлени эсделигине багъышланып къол ябушувдан спорт ярышлар оьтгерилди. Ярышланы ачылывуна хас асгер гьаракатда ортакъчылыкъ этип турагъанлар да чакъырылгъан эди.

 

Ярышлар Дагъыстандан, Таганрогдан, Краснодардан, Воронежден ва Къазахстандан 160 спортчуну жыйгъан эди. Къазахстандан гелген спортчуланы командасы биринчи, Чонтавулну командасы экинчи, Магьачкъаладан гелген спортчулар уьчюнчю ерни алды.

Биринчи ерлени алгъан спортчулар чемпионланы белбаву булан савгъатланды. Экинчи ва уьчюнчю ерлени алгъан спортчулагъа медаллар ва кубоклар берилди. Спортну Россия оьлчевдеги вакили Элдар Магьдиев ярышланы ортакъчыларына ва къурумчулукъ гьаракатына  оьр багьа берди. Къурумчулукъ ишин оьтгергенлер Хумторкъали район администрацияны башчысы Айнутдин Зиявутдиновгъа ва ону заместители Марат Жамбаловгъа айрыча разилигин билдирди.

 

Жават ЗАКАВОВ.