Бугюн, узакъ аврувдан сонг, белгили жамият ва политика чалышывчубуз, Къумукъ милли Советини ёлбашчысы Абсалитдин Мурзаев гечинген деп аччы хабар гелди.
Сынавлу политик ва алим, къумукъ халкъыбызны ва савлай уьлкебизни герти патриоту гьисапда ол гьар тюрлю форумларда ортакъчылыкъ этген, четим масъаланы гётерген, оланы чечивню уьстюнде актив кюйде ишлеген.
Ол халкъыбызгъа ва Ватаныбызгъа гьалал къуллукъ этивню жанлы уьлюгюсю эди. Ону ярыкъ келпети ону таныгъанланы ва савлай къумукъ халкъыбызны юреклеринде даим де яшажакъ.
Абсалитдин Мурзаевни къардаш-досуна, ювукъ адамларына гьакъ юрекден къайгъырышывубузну билдиребиз. Аллагь рагьмат этсин!
«Ёлдаш» газетни коллективи.
