Октябрь айны 4-6-нда Магьачкъалада “Тарки-Тау- 2024» деген 11-нчи Темиркъазыкъ-Кавказ халкъара китап фестиваль оьтгерилежек.

Эсгерилген фестиваль Дагъыстан Республиканы маълумат ва печатьны агентлигини якълаву булан оьтгериле. Фестивальда Темиркъазыкь-Кавказны ва Россияны регионларындан къайры да Тюркияны, Иранны, Къыбла Осетияны басмаханалары да ортакъчылыкъ этмеге гёз алгъа тутулгъан.

Фестивальны барышыны, охувчулагъа малим этилежек янгы китапланы гьакъында «Дагъыстан» деген маълумат агентлигинде оьтгерилген пресс-конференцияда Дагъыстан китап басмахананы директору Марина Омарова, «Эпоха» деген китап уьйню директору Хадижат Курахова эсгерди.

Китап фестивальда оьтерилежек башгъа чараланы айланасында «Дагъыстан» деген журналны баш редактору Марат Гьажиев маълуматлар берди.