Гезикли атышыв

Январ айны 31-нде гече вакъти Магьачкъалада оьзюню уьюню эшик  алдында къошулчан ябушувланы спортчусу, тутушуп ябушувдан Россияны чемпиону  Магьамматрасул Мутаев оьлтюрюлген. Жинаятчы огъар тапанча булан 8 керен атышгъан.

 

Атышгъан адам видеокамерагъа тюшген. Полицейскийлер ону атын токъ-ташдыргъан ва ахтарывгъа берген. Олар ёрайгъан кюйде, шо къоркъмаскъалалы 18 йыллыкъ Н.Къ. Эки ай алъякъда оланы арасында эришив болгъан. Жинаятчы шо къайдалы ачувун алмагъа сюйген.

М.Мутаев Гьабиб Нюрмагьамматовну атасы Абдулманапны аты къоюлгъан спорт школагъа юрюй эди. Рингде ол 9 ябушувну оьтгерген, 7-син утгъан. Ону гезикли ябушуву  февраль айны 23-нде иранлы Кёйван Резае Далини булан болмагъа герек эди.

М.Мутаевге чапгъын этилегени биринчилей тюгюл. Гетген йылны яй айларында белгисиз жинаятчы огъар травматика тапанча булан атышгъан болгъан. Мутаев оьз янындан тапанчасы булан атышып, чапгъынчыны къачма борчлу этген.

 

Алав АЛИЕВ.

 

Авторизация
*
*
Регистрация
*
*
*
Согласны с условиями сайта?
Генерация пароля