Редакцияны гьюрметли къуллукъчулары! Газетни коллективин ва минг-лер булангъы ону охувчуларын, олай да журналистлени къумукъ милли газетини 105 йыллыгъы булан гьакъ юрекден къутлайбыз!
Къаныгъывлу кюйде иш юрютеген журналистлени ва язывчуланы пагьмулу наслуларыны яратывчулукъ гьаракатыны натижасында газет гьар заманда да арасы бёлюнмейген кюйде сырдашы, къурдашы, насигьатчысы гьисапда охувчугъа герти гьакъ сёзню етишдирген.
105 йыл – шо печат къурал учун чыгъарылып турмагъа аз заман тюгюл. Сизин газет чыгъып турагъан вакътини ичинде бизин республикада шексиз кюйде оьзюне яхшы гьюрмет этилеген, бетлеринде берилеген маълуматлагъа инанмагъа ярайгъан къуралланы бириси гьисаплана. Милли газет маъналы ва санлы оьмюр сюрегенге гёре, белгили политика чалышывчуланы ва далапчыланы, олай да охувчуланы герти абуруна-сыйына лайыкълы болгъан.
Бугюнлерде Дагъыстан Республиканы маълумат къуралларын, Къумукъ милли печатны вариси «Ёлдаш» газетни гьисапгъа алмай гёз алгъа гелтирмеге де къыйын. Неге тюгюл, редакцияны пагьмулу коллективи газетни бизин республиканы лап да маъналы ва гьакъыллы маълумат къуралы гьисапда айтылагъан даражасына гётермеге бажаргъан. Сизин охувчулар газетде оьзлени къыйнап турагъан гьар къайсы масъалагъа да, гьалиги жамиятда болуп турагъан агьвалатлагъа байлавлу да терен маъналы ва гьар тюрлю маълуматланы тапмагъа бола.
Газет къумукъ дагъыстан публицистиканы гёрмекли вакиллерини яратывчулукъ варислигин, олар токъташдыргъан асил мердешлени сакълагъандан къайры, шоланы оьсдюрювге де болушлукъ этген. Газетни редакциясында ишлеп сынав топлагъан сонг, къумукъ язывчуланы ва шаирлени кёбюсю белгили болгъан.
Бугюнлерде де Дагъыстанны маданият ва жамият-политика яшаву инг де абурлу маълумат къуралларыны бириси гьисапланагъан, охувчуланы бир нече наслусу оьзюн чыдамсыз кюйде къаравуллайгъан газетни бетлеринде оьзюне ер табып геле.
Газетни коллективи дагъыстан жамиятында ёрукълукъну болдурувда аслам къошумун этип, бизин тизив республиканы яшавлукъ-экономика ва маданият оьсювю учун шартлар яратып чалыша.
Газетни бары да охувчуларына ва редакцияны коллективине парахатлыкъ, аманлыкъ, Дагъыстанны ва Россияны чечеклендиривюн болдурмакъ учун къайратлы кюйде загьмат тёкмекни ёрайман.
Гьюрмет булан Дагъыстан Республиканы маълумат ва печат
агентлигини ёлбашчысы
А. ЖАМАЛУТДИНОВ.
