Алдагъы гюнлерде Буйнакск районну охув ожакъларыны охувчулары булан «Футбол в школы» деген проектни методисти Арсен Абакаров ёлугъувлар оьтгерген. Шо ёлугъувланы барышында ол уланъяшлар айрыча иштагьланагъан футбол оюнну бир-бир сырларын малим этген.
Шону булан бирге, 5-6-нчы класларда билим алагъан охувчу яшлагъа футбол оюнда оьзлени бажарывлугъун ва усталыгъын гёрсетмеге имканлыкъ берилген. Буйнакск районну билим берив управлениесини Telegram-каналында шо гьакъда билдириле.
Арсен Абакаровну сёзлерине гёре, яшавгъа чыгъарылагъан оьрде эсгерилген проектни оьлчевюнде физкультура дарсларда футбол оюнланы оьтгеривге, олай да спортну шо журасындан айрыча секциялар ачып иш гёрювге айрыча тергев берилле.
