Къарабудагъгент районну Каспий денгиз боюнда ерлешген сакъатланы «Язбаш» деген жамиятыны янындан бизин яшавлукъ онгайлыкълагъа гьажатлы адамлар учун ял алыв базаны мекенли кюйде къурашдырмакъгъа ва ясандырмакъгъа айрыча гьаракат этилген. Шонда сакъат адамлагъа ёлугъуп, ял алмагъа тийишли шартлар болдурулгъандан къайры да, олагъа денгизге тюшюп киринмеге де имканлыкълыкълар яратылгъан.
Шо гьакъда айта туруп, бизин республиканы бары да районларындан ва шагьарларындан дегенлей сакъатлар къуршалагъан эсгерилген ял алыв базада спортну гьар тюрлю жураларындан ярышлар да оьтгериле. Шо да «Язбашгъа» ёлбашчылыкъ этеген ДР-ни информация ва печат агентлигини ёлбашчысыны жамият кёмекчиси гьисапда чалышагъан Али Мусаевни гьаракатчылыгъын исбатлай.
Шолай, алдагъы гюнлерде де шо жамиятыны ял алыв базасында бизин республиканы гьар тюрлю районларындан гелгенлер оьзлени шашка, шагьмат оюнларда сынады. Шондан къайры да, авурлукъну гётеривде, олай да тюбек атывда тогъатартдылар.
Умуми кюйде алгъанда, оьзюнде 50-ден де артыкъ адам ортакъчлыкъ этген шо ярышларда бугюнлерде «Лотос» деген спорт ва савлугъун беклешдирив ял ялыв базасына гелип къаршы болгъан сакъатланы «Аппарель» деген бирлешивюне къуршалгъанлар да айрыча жагьчылыгъын гёрсетди.
Инг алда «Язбаш» деген шо жамиятыны ёлбашчысы Али Мусаев артдагъы вакътиде оьзю юрютеген гьаракат янгыз Къарабудагъгент районну тюгюл, республиканы оьр даражадагъы гьакимлик къурумларыны янындан да якълав табагъаны гьакъда айтды. Шондан сонг ДР-ни информация ва печат агентлигини ёлбашчысы Абдуразакъ Жамалутдинов, милли политикагъа ва динлени масъалаларына къарайгъан министрини биринчи заместители Арсен Магьмутов, Дагъыстанны Халкъ Жыйыныны депутаты Гьасан Османов ва оьзгелери биринден-бири алып дегенлей «Язбашны» умпагьатлы гьаракатыны асувлулугъу гьакъда эсгердилер.
Чинкдеси, сав гюнню узагъында юрюлген ярышланы аралашдырып, жыйылгъанлар гьар тюрлю йырлагъа тынгладылар, татывлу ашлар булан тюрленген тепсилени артында да олтуруп, алгъасамай лакъыр этдилер. Озокъда, шо ярышларда, утгъанлар да, утулгъанлар да болду. Ярышланы алдынлыларына гьюрметлев громаталар тапшурулду.
Н. БАЙБОЛАТОВ.
