Артдагъы гюнлерде Дагъыстан Республиканы Халкъ Жыйыныны ёлбашчысыны биринчи орунбасары депутат Юрий Левицкий Бабаюрт районну 1 номерли Львовский юртундагъы 216 яшгъа ери булангъы янгы школаны къурулушун тергеп чыкъды.
Районну ёлбашчысы Даниял Исламов ва Дагъыстан Республиканы къурулуш, архитектура ва яшавлукъ коммунал хозяйствосуну министрини заманлыкъгъа борчларын кютеген Александр Нестеров да булан республиканы парламентини биринчи вице-спикери школаны 1-нчи сентябрге къоллавгъа беривюне гьазирлик гёрювню гьакъындагъы аслу масъалаланы арагъа салып пикирлешди.
Юрий Левицкий булангъы ёлугъувда, «Дагсвязьинвест» къурумну вакили Сулейман Сулейманов эсгерген кюйде, къурулуш ишлер 95 процентге тамамлангъан. 1 номерли Львовский юртдагъы 216 яшгъа ери булангъы янгы школаны къурулушу 2020-нчы йылны ноябр айында, Республика инвестиция программагъа гёре башлангъанны ва Республиканы башы Сергей Меликовну тергевюню тюбюнде экенни де эсгермеге сюебиз.
Гьалиги яшавну шартларына толу жавап береген школа, львовскийли яшлар учун эшиклерин 1-нчи сентябрде ачажакъ.