Дагъыстанны уллу гележеги бар

18-нчи мартда Дагъыстангъа Россияны экономика оьсювюню министри Максим Решетников гелди. Ол Дагъыстанны Башчысы Сергей Меликовну ва Дагъыс­танны Гьукуматыны председатели Абдулмуслим Абдулмуслимовну узатыву булан Къызлардагъы коньяк заводгъа барды.

 

Заводну ишине къарап битгенден сонг оьтгерилген жыйында, ону янгы техника булан ясандырывну гьа­къында лакъыр болду. Завод 1885-нчи йылда ачылгъан ва нечесе керен янгыртылгъан, бу йылда да тувулунгъан масъалаланы чечмек учун 669 миллион манат берилежек.

Башлап юзюмлюклени онгарма герекни ва шоланы майданларын артдырывгъа артдагъы 3 йылны ичинде 5 миллиард манат йиберилгени гьакъында да айтылды. Натижада гьаллар къолайлашгъан ва 2023-нчю йылда Дагъыстанда 283 минг тон юзюм алынгъан, шо савлай уьлкеде жыйылагъан юзюмню уьчден бир пайы бола.

Магьачкъалада оьтгерилген жыйында буса Каспий денгизни боюнда этилежек къурулушланы гьакъында лакъыр юрюлдю. Гетген йыл Дагъыстангъа гелген ва гьисапгъа алынгъан туристлени санаву 2 миллиондан да артыкъ болгъан, бу йыл шо санав дагъы да миллионгъа арт­ма багъыйлы. Гелгенлени 430 минги къонакъюйлерде токътагъанлар.

Сергей Меликов арагъа чыгъаргъан, Россияны Президенти якълагъан Къаягент бойда къурулма герек курорт-шагьарны гьакъында да айтылды.

–Тезде, 7200 номери болажакъ 28 къонакъюй къурулма башланажакъ, шо буса 8 минг адамгъа иш ва регионгъа гелеген 70 миллиард акъча. Шо харжны республикагъа салмакъ учун 17 инвестор-маячы оьзлени гьазирлигин де билдирген, — дей М.Решетников.

Шолар булан янаша йылда 1500 яш ял алып ва савлугъун беклешдирип болагъан кюйдеги Бютюнроссия центр да къурма гёз алгъа тутулгъан.

«Дагъыстанны уллу гележеги бар», деген жыйындан сонг Максим  Решетников.

 

Бизин мухбирибиз.

 

Авторизация
*
*
Регистрация
*
*
*
Согласны с условиями сайта?
Генерация пароля