Автор Патимат Бекеева

Дагъыстан Республикада 4-6 сентябрьде «RT.Док: Время наших героев» деген халкъара фестиваль оьтгерилежек. Фестивальны барышында 15 документли фильмлер гёрсетме гёз алгъа тутулгъан.

Шо гьакъда «Дагестан» деген маълумат агентлигинде оьтгерилген пресс конференцияда эсгерилген фестивальны генеральный продюсери Екатерина Яковлева билдирди.

Фестивальда гёрсетилежек документли киноланы кёбюсю бугюнлерде Украинада юрюлеген хас дав агьвалатлагъа ва онда Ватаныбызны якълайгъан игитлеге багъышлангъан. Фестивальда РГВК канал гьазирлеген фильмлер де бар.

Белгили тележурналист, эсгерилген фестивальда гёрсетилеген «Будем жить» деген фильмны автору Руслан Гусаров пресс конференцияда ортакъчылыкъ этди.

Ол фестивальны гъакъында айта туруп:
-Дагъыстанда фестиваль оьтгерилегени негьакъ тюгюл. Дагъыстан-Россияны миниатюрасы. Дагъыстандан 12 Россияны Игитлери чыкъгъан, -деди.

Фестивальны барышында документли фильмлени айланасында “дёгерек столлар» да оьтгерилежек.