• Охув ожакъларда

Алдагъы гюнлерде Бабаюртдагъы А.Арзулумовну атындагъы орта школада «Биз – Россияны ватандашларыбыз» деген Бютюнроссия гьаракатны оьлчевюнде 14 йыл чагъындагъы уланланы ва къызланы ортакъчылыкъ этивю булан  чара оьтгерилген.

Шону барышында олагъа Россия Федерацияны ватандашларыны паспортлары тапшурулгъан. Оьзлени яшавунда биринчилей болуп паспорт тапшурагъан гюнню яшёрюмлер агьамиятлы агьвалат гьисапда эсинде къалардай оьтгермек, олай да тувуп оьсген элине бакъгъан якъдагъы оьктемликни гьислерин тувдурмакъ оьтгерилген шо чараны алдына  салынгъан аслу борчлардан болуп токътагъан.

«Бабаюртну янгылыкълары» деген газетини Telegram-каналында  билдирилегени йимик, «Биринчилени гьаракаты» деген  Бютюнроссия гьаракатыны ерли бёлюгю, билим берив район управлениеси ва оьзге къурумлар шо чараны сиптечилери гьисапда жагьлыкъ гёрсетген.