Артдагъы йылларда кёп яшёрюмлеге уьйлер этмек учун топуракълар берилди, тек шо бойларда газны, сувну ва токну масъалалары арагъа чыкъды. Шолай да, юртлардагъы 60-70 йыллар алъякъда тартылгъан темир быргъылар чириген, шолардан таба йиберилеген сув да агъызып, адамлагъа етишмей.
Англайбыз, бары да ишни бирденден этме бажарылмай. Шону учун да юртлулар оьзлер кёмеклешип де шо масъалаланы чечме къарай.
Боташюртда да артдагъы йылларда кёп яхшы ишлер этилип тура. Юртлубуз Элдархан Крымов этип турагъан ишлени гьакъында айтма сюебиз. Ол, яндавуруна Халид, Марат, Къурман, Рустам ва Самир йимик уланланы да алып, юртну масъалаларын чечип тура. Гьали-гьалилерде ол биз яшайгъан Западное деген орамгъа сув тартды. 20 йыл гёзленген яхшылыкъ шо уланны къасты булан гелди. Озокъда огъар шо орамда яшайгъанлар да къол ялгъады.
Ону саваплы ишлери дагъы да бар, шоланы гьакъында башгъа гезик айтарбыз. Гьали огъар «Ёлдаш» газетден таба баракалла билдирме сюебиз. Огъар оьрлюк, насип ва къатты савлукъ ёрайбыз.
