Росгвардияны Дагъыстан управлениесинде 27-нчи мартда оьзлени касбу байрамын белгилегенлер.

 

Байрам гюнге  байлавлу чараланы алдында  управлениени  «Скорпион-Каспий», «Горец», «Ягуар», «Ястреб-Каспий» деген  хас асгер гюплери  Ватаныны алдында борчун кюте туруп, жанын берген  ёлдашларыны эсделигине гюл байламлар салгъан.

Росгвардияны Дагъыстан управлениесини начальнигини борчларын кютеген полковник Антон Зуев бары да жыйылгъанланы байрамы булан къутлагъан ва «Биз гьаригиз булан оьктем болабыз, сиз гёрсетеген къоччакълыкъгъа, Ватаныгъызгъа бакъгъан якъда аминлигигизни тас этмейгенлигигизге гьакъ юрекден баракалламны билдиремен» деген ол.

Байрам чараны ахырында къуллугъунда айрыча натижалагъа етишген асгерчилеге багьалы савгъатлар тапшурулгъан.

 

Алав АЛИЕВ