Бабаюрт районну террорчулукъ ишлеге къарайгъан комиссиясыны гезикли жы­йынында тюрлю-тюрлю масъалалагъа къаралды.

Бёлюкню башчысы Абдулла Черивмурзаев Янгы йылны байрам гюнлери аварасыз ва хатарсыз оьтгенни эсгерди. Шо буса администрацияны ва юрт башчыланы бирлешип этген ишини натижалары экенни де билдирди.

Шону булан бирге, Интернетни торунда гьали де яшёрюмлени башын айландыра­гъан террорчулукъгъа къошма къарайгъанлар кемимегенни айтды ва англатыв ишлени гючлендирмекни, айрокъда шо ишни школаларда юрютме герекни эсгерди.
Бу гезик Хамаматюрт, Геметёбе ва Янгы Къара юртларда ишлер нечик салынгъанны гьакъында айтылды ва шо юртланы башчыларыны гьисап беривюне де къаралды.

Ишни дагъы да яхшылашдырма тюшегени де эсгерилди.