Сонггъу йылларда ол ГДР-де Совет Армияны сыдыраларында къуллукъ эте. Армиядан къайтгъан сонг колхозда ишлей туруп, гечеги орта школаны тамамлай.

1965-нчи йылда Б.Гьажимурадов Дагъыстан пачалыкъ университетни филология факультетине охумагъа тюше. Охувун узата туруп, ол «Ленин ёлу» газетге ишге алына. Газетде ол экономика, культура, юрт хозяйство бёлюклени редакторуну, жаваплы секретарны къуллугъун кюте.

Яратывчулукъ ишде ол оьзюн пагьмулу журналист ва къумукъ тилни устасы гьисапда танытды. Журналистикада 40 йыллар чалышгъан Бийсолтан Датаевич Гьажимурадов ДАССР-ни Оьр Советини Президиумуну Гьюрметлев грамотасы булан савгъатлангъан. Ол загьматны ветераны да, РСФСР-ни маданиятыны ат къазангъан къуллукъчусу да дюр эди. Кёп йыллар газетни профсоюз къурумуну председатели болуп да турду.

Сынавлу журналист ва насигьатчы гьисапда Б.Д.Гьажимурадовну пайдалы таъсири янгыз оьзю башчылыкъ этген бёлюкде ишлейгенлеге тийип къалмады, редакцияда ишлеген бары да яратывчу къуллукъчулагъа да тийди. Чебер сёзге усталыгъы бар Б.Д.Гьажимурадов, журналистика булан доланып токътамай, кёп санавда язгъан проза, поэзия асарлары ону китапларында ерлешген. Ону маъналы сёзлери коллективде гьали де унутулмай.

«Ёлдашны» коллективи.