Дагъыстан Республикада биринчилей амалгъа гелген «Аналаны гючю» деген хас асгер агьвалатда жан берген къоччакъланы ювукъ адамларыны бирлешивю Россия Федерацияны оьзге регионларында да чалышмагъа башлагъан. Шо гьакъда алдындагъы гюн «Дагъыстан» деген маълумат агентлигинде прес-конференция оьтгерилди.

Шонда «Аналаны гючюню» ерли къурумуну ёлбашчысы Сефижат Магьамматрасулова, «Сильные духом» деген тедепередачаны автору, Къоччакълыкъны орденини кавалери, лейтенент Азим Муслимовну анасы Мегьрибан Мулимова, хас асгер гьаракатда жан бергенлени эсделигине Ленинкентде къурулагъан межитни сиптечиси, Къоччакълыкъны орденини кавалери Сунгур Османовну анасы Месей Османова ортакъчылыкъ этди.

​Сефижат Магьамматрасулова эсгерген кюйде, «Аналаны гючю» деген къурум хас асгер гьаракатда Ватаны учун жанын къурбан этгенлени агьлюлери, ювукъ адамлары бирлешип бир-бирине кёмек этмеге ва къоччакъланы эсделигин даимлешдирмек мурат булан къурулгъан. «Ааналны гючю» Дагъыстанда къурулгъаны 2 йыл бола ва эсгерилген бирлешивге 1500 адам къуршалгъан. Бу йылдан башлап башгъа регионланы вакиллерини тилевюне гёре «Аналаны гючю» бирлешивлер гьаракатын башлагъан. Шоланы арасында Россияны янгы регионлары да бар.

Мегьрибан Алиеваны айтывуна гёре «Сильные духом» деген телеперадача жумада 2 керен гёрсетиле ва Хас дав гьаракатда ортакъчылкъ этеген игитлеге багъышлангъан. Ол эсгерилген передачалар школаларда охувчуланы патриотлукъ ругьда тарбиялавда болушлукъ этежегин эсгерди ва ДР-ни билим берив ва илму министри Ягьия Бучаевге якълаву учун баракалла билдирди.

​«Аналаны гючю» деген бирлешивню гертилей де уллу агьамияты бар. Хас асгер гьаракатда ювукъ адамларын тас этген къайгъылы кёп агьлюлерибиз бар. Эсгерилген гьаракатны ортакъчылары бугюнлерде бир-бирине гьар якъдан кёмек эте, шолай кёмек этмеге башгъалагъа да гьазир экенин де билдире.