Магьачкъала шагьарны гьакимияты алышынып, янгы башчысы ва ону командасы гелгенде, жамаат булангъы биринчи ёлугъув­ларында алдагъы кемчиликлеге ёл бермежекбиз, законгъа таянып юрюжекбиз деп авзун толтуруп ант этелер. Амма арадан заман гетип, шагьарлылар оьзлер айтгъанны унутуп да битгендир деген хыяллар булан алдагъыланы терс ёлуна тюшелер.

 

Школаны, яшлар бавун къурма ер табулмайгъан тахшагьарда ерли администрация Элтав орманлыкъгъа ва Акъкёлге гёз салгъан. Ёкъ, олар оьсюп гелеген наслуну гьайында тюгюл, шо бойларда  акъчалы-бокъчалылагъа 3,4 гектар ерде кёп къабатлы уьйлер къурма ихтияр берген. Шагьарны табиат байлыкълары учун тезден берли къорувчу гьаракатын юрютеген «Город наш» деген къурум шоссагьат къувун гётерген ва инг алдын прокуратурагъа билдирген. Шагьарны прокурору Валериан Миронову тапшурувуна гёре оьтгерилген тергевлени натижасында администрацияны законсуз къарары гери урулгъан.

 

Алав АЛИЕВ