Март айны 19-нда Къызылюрт районну Бавто­гъай юртундагъы онгача уьйлени бирисинде гече вакъти дёрт адам агъуланып азарханагъа тюшген.

* * *

Тарумов районда Аштархан – Магьачкала ёлда Хундай, Омода ва уллу юклю DAF XF машинлер урунгъан. Эки де енгил машиндегилер оьлген. 57 йыллыкъ уьзбекис­танлы  гьайдавчугъа зарал болмагъан. Машинлердеги яралылар больницагъа етишдирилген.

* * *

Оьтген жуманы ичинде республиканы ёлларында  21 хатабалагь болгъан. Шоларда 3 адам оьлген ва 28-и яралангъан. Яралангъанланы арасында Калуга областдан гелген яш да бар.

* * *

Март айны 18-нде Герзели постда полицейскийлер «Лада Приораны» токътатып моторуну номерлерин тергегенде, машин уьч ай алъякъда Нижний Новгород  шагьарда урлангъанын токъташдыргъан. Тергевлер башлангъан.

* * *

Март айны 18-нде Семендерде есиси эшиклерин ачгъан кююнде къойгъан машинден ерли жагьил адам 60 минг манатны ва куртканы урлагъан. Уручу тутулгъан, огъар къаршы уголовный иш ачылгъан.

* * *

Март айны 16-нда Магьарамгент районну школаларыны бирисинде оьрюм яшлар гюп болуп тенглисин токъалагъан ва ондан акъча талап эте болгъан. Интернетде ерлешдирилген видеороликге Дагъыстанны аманлыкъны къоруйгъан къурумларында да тергев бергенлер ва айыплыланы жавапгъа тартажакълар.

* * *

 

Март айны 15-де Хасав­юртда газ быргъыланы тергейген къуллукъчулар быргъыланы уьстюнде  сигарет тартып, атылтыв болгъан. Экевю де шо ерде оьлген.

* * *

Лаваша районну Уллуая юртунда турагъан 70 ва 96 йыллыкъ эсли къатынланы балта булан уруп оьлтюрген жинаятчы тутулгъан.

 

Алав АЛИЕВ