Тюнегюн Магьачкъалада «Россия – мени тарихим» деген паркда ДР-ни маълумат, байлавлукъ ва министерлигини сиптечилиги булан бизин республикабызда яшавгъа чыгъарылып турагъан «Мени Дагъыстаным» деген инвестиция проектлени барышы Интернет порталдан таба малим этилинди.
Шонда Дагъыстанны Башчысы Владимир Васильев ва ДР-ни Гьукуматыны Председатели Артём Здунов ортакъчылыгъын болдурду.
Жыйында оьзюню сёйлевюнде Дагъыстанны Башчысы В. Васильев «Мени Дагъыстаным» деген проектде белгиленген «Мени Дагъыстаным – мени ёлларым», «Мени Дагъыстаным – таза сув», «Мени Дагъыстаным – мени онгайлыкъларым» деген ва башгъа агьамиятлы проектлер, барысы да адамланы яшавлукъ шартларын яхшылашдырывгъа бакъдырылгъаны гьакъда эсгерди.
Бизин маълумат.
