Бугюнлерде «Альтаир» деген яш пагьмуланы оьсювюне къарайгъан республика центрны сиптечилиги булан «Россия – мени тарихим» деген тарихи паркында «Афгъан ели» деген викторина оьтгерилген. Бизин асгерлер къардаш уьлкеден чыгъарылгъанлы арадан 35 йыл битегенликге байлавлу юрюлген шо гьаракатда Буйнакск районну Атланавул юртундагъы орта школасыны охувчулары да жагьлы кюйде ортакъчылыкъ этген.
Шондан сонг да, викторинаны ортакъчыларына афгъан агьвалатланы игитлери булан лакъыр этип къатнамагъа ва оьзлер иштагьланагъан соравланы бермеге имканлыкъ берилген.
Шо гьакъда айта туруп, Атланавулдагъы орта школаны директоруну тарбиялав масъалалагъа къарайгъан ойчусу Нюрият Мусалаева эсгерилген охув ожакъда билим алагъан уланланы ва къызланы оьтгерилген гьаракатгъа къуршамакъ учун айрыча къаст этгени гьакъында эсгермеге тюше. Буйнакск районну билим берив управлениесини Telegram каналында шо гьакъда маълумат берилген.
Насрулла БАЙБОЛАТОВ
