Дербентде полицейскийлер аманлыкъны къоруйгъан къурумлардан 13 йыл яшынып тургъан эки ерли адамны тутгъан.
Судгъа бакъдырылгъан материаллагъа гёре, 2011-нчи йылны апрель айында гече вакъти Дербент районну Белиджи юртунда янгыз турагъан къатынгишини уьюне гирип, ондан акъчасын ва алтынларын талап этген ва аякълары булан токъалама башлагъан. Артда жинаятчыланы бириси столну уьстюндеги бичакъны алып уьй есиге бир нече керен уруп, оьлю яралар салгъан. Тонавчулар тапгъан чакъы акъчаны киселерине де салып къачгъанлар.
Жинаятчыланы 13 йыл излеп тургъанлар. Оланы бириси Москвагъа гёчюп, онда да адам оьлтюрюп туснакъгъа тюшюп чыкъгъан ва тахшагьарда яшама къалгъан. Экинчиси арадан бир нече йыл оьтюп ата юртуна къайтгъан.
Тутулгъандокъ экиси де тезде этген ишине мюкюр болгъан. Гьали суд оьзюню тёресин гесме герек.
Алав Алиев
