Янгы спортзал ачылды

Спортзалны къурувгъа район администрациясыны тапшурувуна гёре Къарабудагъгент районну ЖКХ-сы оьзюню гёрмекли къошумун этген.

Шо гюнгю шатлы агьвалатгъа байлавлу мажлисде «Къарабудагъгент районну» башчысы Къапур Исаев, районну администрациясыны башчысы Агьмат Гьажиев ва ону замес­тителлери, юртлулар ортакъчылыкъ этдилер. Оьзюню сёйлевюнде Къапур Исаев юртлуланы шатлы агьвалат булан къутлады. Ол янгы къурулгъан спортзал  спортну агьамиятын артдырывда гёрмекли абат болажагъына инанагъанын айтды.

 Аданакъ юрт администрациясыны башчысы Абдулмуъмин Алмаев район администрациясына ва спортзалны  къурувгъа къошум этгенлени барысына да баракалла билдирди. Юртуну жагьиллерине энниден сонг, янгы шартлар булан пайдаланып, алгъа багъып талпынмакъны ва спортда  оьрлюклеге етмекни ёрады.

Юртлуланы атындан сёйлеген Абдулмуъмин Темирбеков ва  Изамутдин Мусайилов шо  спортзал оьсюп гелеген наслугъа уллу савгъат экенни  гьакъында айтдылар ва ону къургъанлагъа разилигин билдирдилер.

             Янгы  къурулгъан бинаны  ичине гирген сонг бары да жыйылгъанлар ону сан янына,  мунда  болдурулгъан   онгайлыкълагъа оьр багьа бердилер.

Шо гюн янгы спортзалда Аданакъ, Паравул, Гьели юртларыны командаларыны арасында волейболдан ярышлар да оьтгерилди.

 

 

 

Р. МУСАЕВА.

Автор чыгъаргъан сурат.

Авторизация
*
*
Регистрация
*
*
*
Согласны с условиями сайта?
Генерация пароля