Сочидеги Олимпиаданы якълайбыз!

14 февраля 2014 в 11:15 1045
Прочту позже
Сочидеги Олимпиаданы якълайбыз!
– Сочиде юрюлеген спорт агьвалатлардан Дагъыстан ягъада турмай. Шону исбатламакъ учун биз бугюн Цамаури тавну башына, 3 минг метр бийикликге гётерилдик, – деген Дагъыстанны Башчысы.
Россия Федерацияны башгъа регионлары булан бирликде Олимпиадагъа оьзюню къошумун Дагъыстан да этди. 27-нчи январда Олимпиаданы отун республика къабул этди. 7-нчи февральда буса шо от Дагъыс­танны Россиягъа къошулгъаныны 200 йыллыгъына багъышланып аэропортда къурулгъан триумфальный арканы алдында ягъылды. Шо от Олимпиада битгинче янып туражакъ.
Р.Абдулатипов айтгъан кюйде, гележекде Олимпия оюнларда дагъыс­танлылар да ортакъчылыкъ этме болажакъ. Оьзюню токъташдырывун ол гележекде Дагъыстанда тав-лыжаланы оьсювю булан байлай. «Мен ойлашагъан кюйде, дагъыстанлылар хоккей оюнну да ойнажакъ. Шо саялы Магьачкъалада хоккей къала къурма хыялыбыз бар», – деген республиканы Башчысы.
Бары да дагъыстанлыланы атындан Дагъыстанны Башчысы къышлыкъ Олимпиадада ортакъчылыкъ этеген Россияны спортчуларына болгъан чакъы кёп алтын медаллар къазанмакъны ёрагъан.

Бизин мухбирибиз.