Районда субботниклер юрюле

24 марта 2014 в 11:07 1077
Прочту позже
Районда субботниклер юрюле
       Дагъыстанны Башчысы Рамазан Абдулатиповну гьаракатыны биринчи гюнюнден башлап ол савлай Дагъыстанны чёплюклерден тазаламакъ деген борчну салгъаны бугюн биревге де янгылыкъ тюгюл. Арадан йыл гетген сонг, шо ишде етишген уьстюнлюклер мунаман деп гёрюнюп де тура.
       Дагъыстанны оьзге районларындан шо ишде бабаюртлулар да артда къалмай. Язбашны геливю булан районда ишлер янгы гюч булан башлангъан. Районну бир юртунда да бугюн гьатта юрт ягъаларда ташлангъан чёплюклени тапмагъа къыйын. Шо ишде, озокъда, Бабаюрт район администрацияны янында къурулгъан комиссияны ва район ОВД-ни къуллукъчуларыны да къастлыгъы бар.
     – Табиатны тазалыгъын болдурмакъ – гьар адамны борчу, – дей, районда этилип турагъан ишлени гьакъында айта туруп, район админист­рацияны янында къурулгъан комиссияны секретары М.Анварбеков. – Шо борчланы бабаюртлулар да билмей тюгюллер.
    Озокъда, тазалыкъ болдурувдан райо­н администрацияны къуллукъчулары оьзлер де баш къачырмайгъаны оьзге районлулагъа да уьлгю болуп токътай. Оьтген сонгугюн де район администрацияны къуллукъчулары бары да дегенлей гезикли субботникге чыкъдылар. Олар аз заманны ичинде администрацияны абзарын, айлана якъны тазаладылар, тереклени тюплерин тепдилер, акъчапдылар, гюллер орнатдылар.
          Аз заманны ичинде районну бары да юртларын тазаламакъ ва яшылландырмакъ гёз алгъа тутулгъан.

Герейхан Гьажиев,
хас мухбирибиз.
Суратда: субботникни барышы.