КЪУМУКЪ КЪЫЗЛАР – ЛАУРЕАТЛАР

20 мая 2016 в 09:50 1764
Прочту позже
КЪУМУКЪ КЪЫЗЛАР – ЛАУРЕАТЛАР


Къатты-къайратлы жюри гьар яшны пагьмусуна уллу агьамият берип тынглай ва тийишли кюйде оланы къыйматлай. Жюри айрыча атын эсгергенлени арасында Хасавюрт школаны охувчулары тогъуз йыллыкъ Майа Магьамматова, сегиз йыллыкъ Алия Мустапаева ва оланы муаллими Зумруд Юнусовна   Ясаева да бар.

– Бу ярышны оьтгерегенлеге оьзюмню разилигимни билдирме сюемен. Яшлар учун, уллу сагьнагъа чыгъып, къаравчуланы алдында роялда кюйлер сокъмакъ – бек уллу даража. Шо мюгьлетде яшлар оьзлени уллу артистлер булан тенглешдирелер. Майа ва Алия шо ярышланы лауреатлары болгъаны – мени учун бек уллу оьктемлик. Майа булан ишлейгеним дёрт йыл бола, Алия булан – уьч йыл.

Бизге гьар яш булан айрыча ишлеме тюше, оланы пагьмусуна, хасиятына гёре иш гёребиз. Озокъда, оьр даражалагъа етмек учун тер тёкме герек. Амма яшланы шулай уьстюнлюклерин гёргенде, бары да къыйынлыкъланы унутуп къаласан.



Измулла ГЬАЖИЕВ.

Атия ГЬАЖИЕВА чыгъаргъан сурат.