«Газпромну» вакиллери булан ёлугъув

13 декабря 2013 в 14:07 2407
Прочту позже
«Газпромну» вакиллери булан ёлугъув
В.Марков эсгерген кюйде, ёлугъувда «Межрегионгаз» деген Дагъыстандагъы компанияны гючюн артдырывну болдурагъан бир нече агьамиятлы гьасиллер чыгъарылгъан. Шо да абонентлени къоллагъан ягъарлыкъ газ учун гьакъ тёлейген къайдаларыны халкъгъа онгайлыгъын болдурагъан кюйлени гьакъын­да болгъан. Газ къоллавчуну да, газ беривчюню де арасындагъы аралыкъланы гелишдирип иш гёрме тарыкълы масъалагъа «Газпромну» вакиллери Президентни командасындан да кёмек къаравуллайгъанын англатгъан.
«Бирче чалышывубузну натижасында газ беривню сан янын яхшылашдыражакъбыз, газ алагъанлар да гьакъны заманында тёлесе, олагъа да, бизге де яхшы болажакъ», – деген «Газпромну» вакили.
Ёлугъувну вакътисинде Владимир Марков тасдыкъ этген кюйде, Дагъыс­танда «Магьачкъалаэнерго­сбыт» жамият чыгъарагъан газны тувра кюйде къоллама бажарылажакъ.
Ёлугъувну гьасиллерине гёре Дагъыстан Республиканы башчысы декабр айны 25-и болгъунча аппаратны къуллукъчуларына тийишли кагъызланы онгарып, «Газпромгъа» бермекни талап этегенин айтгъан.