Биринчи ёлугъув

7 февраля 2014 в 15:33 1057
Прочту позже
Биринчи ёлугъув
Къонакълар булан саламлаша туруп, «Хасавюрт район» деген муниципал къурулувну башчысы Жамболат Салавов Вячеслав Степановични алдан берли таныйгъанын ва ону ишни юрютюв яндан бай сынаву барны айтды.
Дагъыстанны Башчысыны администрациясыны ич политикагъа къарайгъан управлениени начальнигини орунбасары Мурат Гьажимуратов да В.С.Паламарчукну гьакъында исси сёзлер айтды ва Къызлар шагьарны башчысы болуп 30 йыллар ишлеп абур да, сый да къазангъанны эсгерди.
Шолай да, вакилни гьакъында Дагъыстанны Халкъ Жыйыныны депутаты Багьадур Абасов да айтды.
– Территория округлар къурмакъны масъаласы негьакъ тувмагъан, – деди В.Паламарчук. – Ставрополь крайда шолай къайда иш гёрегенли кёп йыллар бола. Округланы къурмакъ булан бирге халкъны талапларын кютювге бек тергев берилежек. Вакиллер ерлеге гелип, гьал булан ювукъдан таныш болмакъ учун къурулгъан. Хасавюрт ва Къызлар районлар дос аралыкълар юрютегени кёп йыллар бола. Эки де районда юрт хозяйство оьр даражада асувлу юрюй деме ярай. Энниден сонг да темиркъазыкъ округдагъы районлар бири-биринден сынав алып, тувулунгъан масъалаланы къыйышывлу кюйде чечип ишлежекге инанабыз.
Шо гюн къонакълар Хасавюрт шагьарны активи булан да ёлукъду.

Гебек КЪОНАКЪБИЕВ,
оьз мухбирибиз.
Суратда: жыйындан гёрюнюш.