Грантгъа лайыкълы болгъан

Грантгъа лайыкълы болгъан



         Россияны яшёрюмлерини ишлерине къарайгъан федерал агентлиги, «Россия – имканлыкъланы уьлкеси» деген жамият къурум ва Экономиканы оьр школасы булан бирликде «Территория смыслов» деген форум оьтгерген.


Форумда гьар тюрлю бёлюклеге гёре ярышлар юрюлген. «Экосреда политики» деген бёлюкде гьакимлик къурумланы вакиллери, яш депутатлар, жамият къурумланы ёлбашчылары ва башгъалар ортакъчылыкъ этген. Эсгерилген форумда Дагъыстандан гелген делегация буса лап уллусу болгъан ва 14 адам ортакъчылыкъ этген.

 

Форумну ортакъчылары учун генг кюйде билим берив чаралар оьтгерилген. Оланы арасында лакъырлашывлар, пикру алышдырывлар ва мастер-класлар юрюлген.


Форумну ахырынчы гюнлеринде ону ортакъчы­лары оьзлени проектлерин якълагъан. Шоланы инг яхшылары яшёрюмлени ишлерине къарайгъан федерал агентлигини янындан грантлагъа лайыкълы болгъан. Грант алгъанланы арасында «Китап, ветеранны къолъязмасы. Давну герти тарихи» деген проекти учун Дагъыстандан баргъан Арсланбек Арсланбеков 250 минг манат оьлчевде грантгъа ес болма бажаргъан.

 

Китапгъа, авторну оюна гёре, Дагъыстан Республикадан давда ортакъчылыкъ этген 75 ветеранны дав гьакъда эсделиклери гирежек. Эсгерилген форумну натижаларына гёре 27 ортакъчыны проектлери грантгъа лайыкълы болгъан ва олагъа 4 миллион 600 минг манат акъча гёрсетилген.


 

Бизин мухбирибиз.