Артдагъы йылда школаларда от тюшювге къаршы уьлкеде ата-аналаны рагьатсызландырагъан гьал тувулунгъан. Билим берив ожакълагъа аслу талаплар салына. Неге тюгюл, жумада 7–10 сагьат заманын яшлар гьар гюн онда оьтгере.
Охув йыл башлангъынча хас комиссия школаланы администрацияларыны охув йылгъа гьазирлигин тергеме тюше.
От тюшювге къаршы ишде салынагъан талаплар
Айлана якъ къуругъан япыракъдан тазаланма тюше. Отлар якъмагъа, олай да школаланы территориясында папирос тартмагъа ярамай.
Школалагъа гелеген ёллар ачыкъ болма герек. Гиччи яшлар охуйгъан класлар экинчи къабатдан оьрде болма тюшмей. От тюшгенде эшиклеге барагъан ёллар гьар заманда да ачыкъ болма герек. От тюшгенде сёндюреген алатлар гьар къабатда болма тийишли.
Мисал учун, Россияны школаларында 500-ден 1500-ге ерли охувчу билим ала. Олагъа дарс беривчюлени де къошса, санав дагъы да артыкъ бола. От тюшгенде школаны дарс беривчюлери яшлагъа кёмек этип болагъан гьалда болма герек.
Россияны МЧС-и билдиреген кюйде, 2018-нчи йылда от тюшювден 300 яш оьлген. Шо саялы кёбюсю школаларда йылда бир керен сама да от тюшювге къаршы чаралар оьтгерме тюше.
Охувчу яшлагъа ялкъывлу болмайгъан кюйде гьар школада от тюшювге къаршы бёлюклер болма тюше. О ерлер плакатлар, яшлар оьзлер этген суратлар булан безендириле.
Озокъда, от тюшюв булан сизге къаршылашма тюшежек деп эсибизге гелмей. Амма шогъар гьазир болма герек.
Бизин маълумат.
