Бизге белгили болгъаны йимик, август айны 21-ден тутуп 27-сине ерли  Екатеринбург шагьарда волейбол оюндан Россияны кубогун къазанмакъ учун юрюлежек ярышлар оьтгерилежек. Шо ярышларда «Дагестан» деген команда да  оьзюню ортакъчылыгъын болдуражакъ.

Эсгерилген  шо ярышланы  башлапгъы тиретлеринде  «Дагестан» команданы ортакъчылары «Динамо» (Челябинск), «Магнитка» (Магнитогорск), «Университет» (Барнаул) ва «Локо-Изумруд» (Екатеринбург) деген командалар булан  ойнажакъ. Демек, бизин командагъа къуршалгъанлар учун шо ярышлар Россияны чемпио—натындан оьтмеге тюшеген сынав болуп токътажакъ.

Шо гьакъда айта туруп, дагъыстанлы команда  оьтген йылны гьасиллерине гёре Россияны чемпионатыны  оьр «А» лигасына чыкъгъанын да айрыча эсгермеге тюше.  

Насрулла БАЙБОЛАТОВ