Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

Яшланы хатабалагьдан къоруюкъ

Яшланы транспорт булан юрютеген бир къайданы болдурмакъ учун, 2014-нчю йылны январ айыны 1-ден башлап, яшланы автобус булан къурумлу юрютювню янгы къайдасы чыкъгъан. Шону булан бирче, Россия Федерацияда ёл низамны къайдасына да тийишли алышынывлар этилген.
О алышынывланы не ери агьамиятлыдыр? Алда яшланы группасы экиден башлана эди буса, гьали оланы къурумлу группасында 8 яшдан кем болма тюшмей. Бу алышынывлар болгъунча, яшланы легковой автомобилде де юрютме ярай эди буса, гьалиги къайдагъа гёре оланы янгыз автобусларда юрютме ихтияр бериле.
Шо талаплар ёл юрюшде яшлар булан байлавлу аманлыкъны болдурмакъ учун этиле. Алда яшланы не транспорт булан да бир ерден башгъа ерге элтме ярай эди. Ондан сонг да, автомобилни гьайдавчусу кимдир, ону гьалы не даражада экенни бирев де тергемей эди. Шо саялы хатабалагьлар да кёп бола эди.
Гьали-гьалилерде Татарстанда автомобилни гьайдавчусу, автомобилни гьатсыз чалт гьайдап, транспорт къурал авлангъан. Автобусда Олимпиадагъа барагъан 15 яш болгъан, оланы 5-вю – охувчу яшлар. Натижада 1 дарс беривчю оьлген. Автомобилни гьайдавчусу буса 2011-нчи йылда автомобилни эсирип гьайдагъаны саялы автомобиль гьайдама ихтиярлыкъдан магьрюм этилген адам болгъан.
Гьалиден сонг яшланы юрютеген автомобилни гьайдавчусуну «Д» категориялы правасы, бир йылдан кем тюгюл стажы, автомобиль гьайдавдан магьрюм этилмеген ва админист­ратив такъсыргъа тартылмагъан адам болма герек. 2014-нчю йыл январ айны 1-ден башлап, яшлар юрютеген гьар автобусда олагъа къарайгъан уллу адам болма герек. Оланы санаву автобусну эшиклерине гёре токъташдырыла. Янгы къайдагъа гёре яшлар ёлда 3 сагьатдан артыкъ бола буса, олагъа аш ва шиша булан сув бериле. Етти йылына етишмеген яшлар ёлда 4 сагьатдан артыкъ къалма ярамай. Яшлар кёп автобуслар булан бир шагьардан башгъа шагьаргъа барагъан ёлда 3 сагьатдан артыкъ къала буса, олагъа къарайгъан медицина къуллукъчу болма герек.
Гече 23 сагьатдан 6 сагьат болгъунча яшланы юрютюв янгыз темир ёл вокзалгъа ва аэропортгъа болма бола. Шо ёл 50 чакъырымдан узакъ болма ярамай.
Янгы къайдагъа гёре яшланы юрютеген 10 йылдан артыкъ къоллангъан автобус болма ярамай. Автобус техника якъдан бузукъсуз болгъандан къайры, тахограф булан ясандырылма ва спутник ГЛОНАСС къуралы болма герек. Амма бу ахырынчы пункт янгы къайда РФ-ни Гьукуматыны къарары печатдан чыгъып, 180 гюнден сонг яшавгъа гире.
Шу гёрюлген чаралар яшланы ёлларда болагъан хатабалагьлардан сакъламакъ учун гёрюле.

Лиана Наврузбекова,
ст. лейтенант, шагьар ГИБДД-ни инспектору.
Количество показов: 559
14.02.2014 11:15

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта