Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

Школагъа Алибек Гьажиевни аты къоюлду

  
  

Гьар юртну да сав элге белгили адамлары бола, олар юртну оьктемлигидир. Илмуланы доктору Алибек Муцалханович Гьажиев де шолай адамлардан эди. Ол юртда тувгъан, яш йылларын мунда оьтгерген, институтну битдирип, ерли колхозда агроном, сонг председател болуп ишлеген.


Алибек Муцалханович Хасавюрт районну партия комитетини 1-нчи секретары болуп ишлеген. Ол оьмюрюню къалгъан янын илмугъа багъышлагъан ва илмуланы доктору, профессор болгъан, 400-ден де артыкъ илму ишлени, 15 монографияны автору. Дагъыстанны ва Россияны илмуларыны ат къазангъан чалышывчусу.


Ол бу йылны башында гечинди. Тек юртлулары ону унутма­гъан, уьстевюне, ерли школагъа Алибек Муцалхановични атын къойсун деп районну депутатларына кагъыз язгъан.


28-нчи сентябрде Хасавюрт районну Хамавюрт орта школасында профессор Алибек Муцалханович Гьажиевни атын шо охув ожакъгъа къоювгъа багъышлангъан чара оьтгерилди. Шо чарада оьзюню орунбасарлары да булан районну башчысы Жамболат Салавов, тюрлю-тюрлю министерлик­лени ва охув ожакъланы вакиллери, айлана юртланы башчылары ва Алибек Гьажиевни дос-къардашы ортакъчылыкъ этдилер.


− Бугюн биз Алибек Муцалхановични ата юртундагъы школагъа ону атын такъмакълыгъыбыз, бу белгили адамгъа этилме герек гьюрметни бир бёлюгюдюр, − деди жыйылгъанланы алдында сёйлей туруп, Хасавюрт район администрацияны башчысы Жамболат Салавов. – Оьзюню гьалал загьматы булан бажарывлу ёлбашчы гьисапда гёрсетме бажаргъан Алибек Муцалханович шу гиччи юртдан чыгъып, уллу оьрлюклеге етишме болгъан. Ол юрт хозяйствону оьсювюне этген къошуму пачалыкъны янындан къыйматлангъан. Ол Загьмат Къызыл Байракъ, «Гьюрметлев Белгиси» ва «Октябр Революция» деген орденлер булан савгъатлангъаны да шону исбатлай. Республиканы Тамазалар советинде ишлеп, «Дагестан-Чечня» деген дослукъ жамиятыны председатели болуп, ол оьзюню сёзюн де айтып болгъан, иши булан да гёрсетген. Алибек Муцалхановични ярыкъ яшаву оьсюп гелеген яшёрюмлеге герти уьлгю болажакъгъа бир де шеклик де этмеймен.


Шолай да, бу чарада Хамавюрт­ну башчысы Руслан Абуков, промышленностну ва сатыв-алыв министерликни 1-нчи орунбасары Къазбек Къандавуров, Алибекни къурдашлары Таймыр Агъаев, Забит Акъавов, Шамшит Къазбеков, Айгум Айгумов, Хасавюрт районну жамият палатасыны председатели Къалсын Акъгёзов, Уллубий Абуков, «Къумукъ тюз» газетни баш редактору Гёгюрчюн Атаева, юртну имамы Камал Мантуров ва школаны директору Найида Гьажиева сёйледилер.


Алибекни уланы Таймасхан Гьажиев жыйылгъанлагъа гьакъ юрекден баракалла билдирди, шолай атаны авлети болмакъ гьар адамгъа да уллу оьктемлик экенни айтды. Сонг тамгъа къагъылгъан мармарташны уьстю ачылды. Шондан сонг жыйылгъанлар А. Гьажиевни къабуруну уьстюне де бардылар.


оьз мухбирибиз.

Суратда: ёлугъувдан гёрюнюш.







Количество показов: 405
29.09.2017 19:56

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта