Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

Халкъны яшавлукъ-коммунал къуллукъларын кютюв булан машгъул къуллукъчуланы гюню

Артдагъы йылларда бизин пачалыгъыбызда йимик, савлай республика оьлчевюнде алгъанда да ватандашланы-къоллавчуланы яшавлукъ-коммунал тармакъларында этилинеген къуллукълары осал кютюлегени гьакъда кёп сёз бола. Тек не этерсен, къуллукъланы санавлары, багьалары артып тура буса да, тюзю, шоланы сан яныны даражасы къоллавчуланы рази къалдырмай. Демек, бугюн жамият ва пачалыкъ къурумланы алдында токътагъан агьамиятлы борч, багьаланы гьатдан озмагъа къоймайлы, шоланы сан янын бир къадар къолайлашдырыв болуп токътай.
Бугюнлерде бизин республикабызны къурулуш, архитектура ва ЖКХ министерлигини коллегиясыны генглешген жыйынында да о гьакъда эркин кюйде гьакълашыв болду. Шонда ортакъчылыкъ этген Дагъыстанны Гьукуматыны Председателини заместители Арсен Нюрмагьамматович Гьасанов да, къуллукъланы ва талапланы гьисапгъа алып, оьзюню пикруларын аян этмей болмады.
– Бизин къурулуш ва ЖКХ тармакъларда, гертиден де, алгъа барыв-оьсювню аламатлары гьис этиле. Шо, озокъда, сююндюре, – деп узатды ол оьзюню сёзюн. – Тек биз бугюн санавлар-натижалар булан дазулансакъ, дурус болмас. Айтмагъа сюегеним, къуллукъланы сан яны акъсамасын учун бизге шулай бирлешип гьакълашмагъа ва гьаллашмагъа тарыкъ бола. Бизге де респуб­ликабызны Башчысы Рамазан Абдулатиповну янындан оьзге регионларда йимик Интернетни имканлыкъларындан пайдаланып, къоллавчуланы пикруларын, арзаларын, разисизликлерин дегенлей гьисапгъа алагъан къайдаланы къолламагъа таклиф этилегени англашыла. Оьз ишибизде барыбызгъа да толу ачыкълыкъ герек.
Къоллавчуланы яшавлукъда тувулунагъан къуллукъларын-талапларын яшавгъа чыгъарывда уьстде эсгерилген минис­терликни сиптечилиги ва ёлбашчылыгъы булан этилинеген ишлени натижалары да шо гьакъда теренден ойлашмагъа борчлу эте.
Белгили болгъаны йимик, бизин респуб­ликабыз адамланы-къоллавчуланы къуллукъларын кютюв ва шолай да яшавлукъ шартларын камиллешдирив учун къурулгъан уьч хас федеральный программагъа гийирилген. Шолай программаланы имканлыкъларын къоллай туруп, 1 миллиард 856 минг манатны оьлчевюндеги акъча маяланы пайдаландырма умут этиле.
Шолар булан дазуланмайлы, юрт ерлерде ишлейген муаллимлени, врачланы, яш касбучуланы яшавлукъ къуллукъларын яхшылашдырывгъа, капитал ремонтгъа байлавлу ишлени оьтгермеге къошум маялар айырыла, субсидиялар, компенсациялар, процентлери енгиллешдирилген кредитлер бериле.
Тюзюн айтмагъа герек, артдагъы вакътилерде бизин республикабызда, СКФО-ну оьзге регионлары булан тенглешдиргенде, ватандашланы, топуракъ ва уьй есилени уьстюне багьалары гьатдан оздурулгъан артыкъ налоглар салынагъаны англашылмай. Шо да бизин республикабызны шагьарларында ва районларында тувулунгъан къы­йынлы гьалны дагъыдан-дагъы гьакитегени гьакъда унутма тюшмей эди. Неге тюгюл, дагъысын айтмагъанда, къысгъа болжалны ичинде топуракъ налогну тёлев багьалары бир нече айны ичинде республикабызны шагьарларында 10 керен артдырылгъан.

Къ. Къараев.
Количество показов: 595
14.03.2014 12:32

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта