Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

Федерал министрни ортакъчылыгъы булангъы генгеш


Август айны 28-нде Дагъыстан Республиканы Гьукуматыны Председатели Артём Здунов Россия Федерацияны къурулуш ва яшавлукъ коммунал хозяйствосуну министри Владимир Якушевни де ортакъчылыгъы булан генгеш оьтгерген. Ону барышында, шагьар ерлерде, айрокъда Магьачкъалада къурулуш компаниялар сюйген кюйде уьйлер ишлеп, артда да олар инфроструктура оьсювге четимликлер гелтирегени учун тувулунагъан масъалаланы чечиливюне байлавлу сёз юрюлген.


Артём Здунов билдирген кюйде, республиканы Гьукуматы масъаланы теренге гетгенине гёре, Россияны министерлигинден кёмек къаравуллайгъанын англатгъан. Владимир Якушев эсгерген кюйде ону булан Москвадан министерликни каксбучулары да гелген.Гьар масалагъа гёре айрыча чаралар гёрюлежек. Республикада тувулунгъан гьалны ёрукълашдырмакъ учун уьлкени башчысы да буварыв этген.


Генгеш башлангъынча, ону ортакъчылары ерине барып законну бузуп ишленген гьар къурулуш бина булан таныш болгъанлар.


– Биз гёрген уьйлени кёплерине «уьйлер» деп айтма да ярамай. Гьариси тувдурагъан масъалалагъа айрыча тергев булан къаралажакъ.


Кёп къабатлы бийик уьйлер ишлейгенлени шогъар гёре болма герекли документлери ёкъ. Озокъда, онгача яшавлукъ уьйлени де, кёп квартирлери булангъы бийик уьйлени де тенглешдирме ярамай. Ондан къайры да, Дагъыстан ер тербенивден сакъ турма тюшеген ер. Шогъар бек тергев берип янашма тюше, – деп англатыв этген Владимир Якушев.


Ол дагъы да билдиргени йимик, кёп къабатлыкъ бийик уьйлер ишленеген кюйге гёре токъташдырылгъан закон документ ёкъ. Къурулушланы къысматын комиссия чечежек.


Генгешни барышында Дагъыстанны премьер-министры Артём Здунов бирдагъы масъаланы арагъа чыгъаргъан. О да – Магьачкъаладан Каспийскиге ерли барагъан канализация сувланы тазаламакъ учун къурулажакъ коллекторну масъаласы. А.Здуновну сёзлерине гёре, буссагьатгъы вакътиде проектни янгыдан гьазирлемек учун иш юрюле. Неге тюгюл, ону этме башлагъандан берли, Магьачкъала шагьар бек оьсген, янгы талаплар арагъа чыкъгъан.



Максим Эсенбиев.



Количество показов: 136
Автор: YOLDASH.news
31.08.2018 15:00

Возврат к списку

Страницы: 1 2 3 4 5 ... 990 След.








AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта