Къайгъырыш

2 ноября 2017 в 20:56 1707
Къайгъырыш

Дагъыстанны ва Россия Федерацияны ат къазангъан врачы, профессор Нариман Къазанбиев арабыздан гетди. Ол 1930-нчу йылда Бабаюрт районну Хамаматюртда Къазанбиевлени белгили агьлюсюнде тувгъан. Школаны тамамлагъан сонг Магьачкъаладагъы медицина институтну охуп битдирген. Кёп йыллар кардиолог болуп ишлеген. Медицина тармакъда 300-ге ювукъ илму ишлени язгъан. Кардиологланы Европа жамиятыны, Нью-Йоркну илму академиясыны герти члени. Кёп санавда аврувлагъа кёмек этген, сабур, саламат адам эди.
Ол «Ёлдаш» газет булан да байлавлукъ юрютюп турду. Савлукъ сакълавгъа байлавлу газетибизде кёп макъалалары чыкъды.

Н. Къазанбиевни агьлюсюне, дос-къардашына теренден къайгъырыша­гъаныбызны билдиребиз.
Аллагь рагьмат этсин!

«Ёлдаш» газетни редакциясы.