Бизге белгили болгъаны йимик, бу йылны сентябр айыны 4-нден 6-сына ерли А-П. Салаватовну  атындагъы Къумукъ музыкалы-драма театрында документли кинону «Бизин заманны игитлери» деген фестивалы  юрюлежек.

Дагъыстанны Гьукуматыны RT телеканал булан бирликде бу йыл  экинчилей оьтгерилеген шо гьаракат бизин республикада халкъара бандит уьюрлери дагъытылгъанлы 25 йыл тамамланагъанына багъышлангъан.

Оьтгерилеген фестивальны сиптечилерини сёзлерине гёре, шону  барышында 1999-нчу йылда болуп гетген агьвалатланы суратлайгъан, олай да  Украина бойда  бугюнлерде юрюлеген хас асгер гьаракатгъа къуршалгъанланы къоччакълыгъын исбатлайгъан документли фильмлер  гёрсетилежек. Шондан къайры да, оьрде эсгерилген гьаракатда гьар гюнлейин де игитлигин гёрсетип турагъан уланланы савлугъуну гьайында къалып къастын болдурагъан врачланы, оланы гёнгюн ачмакъ учун чалышагъан маданият тармакъны къуллукъчуларыны гьакъында чыгъарылгъан  документли фильмлер де къаравчуланы тергевюне берилежек.

 

Б. АЙБОЛАТОВ.