Биревлер эсгере, башгъалар байрам эте

Шонда аслу гьалда Прагадагъы оьр охув ожакъланы студентлери ортакъчылыкъ этген. О вакътиге буса  Чехословакияны немислер елеп алгъан болгъан. Олар демонстрацияны ортакъчыларын тозмакъ учун халкъны арасында ала-пелекет салгъан. Шону натижасында Ян Оплетал деген бир студентни де  гюллелегенлер. Янны гёмеген гюн студентлер де, олагъа къошулуп дарс беривчюлер де, ону бек хатирсиз кюйде оьлтюргенликге къаршылыкъ билдирип, акция оьтгерелер. Шондан сонг ноябр айны 17-синде къаршылыкъ билдиргенлени хыйлыларын туталар, кёплени оьлтюрелер, бир тайпаланы концлагерлеге йиберелер.

1942-нчи йыл Лондонда студентлер нацистлеге къаршы биринчи халкъара конгрес оьтгере. Шонда гьар йыл 17-нчи  ноябрде  оьлтюрюлген чехиялы студентлени эсделик гюнюн белгилемек деп къарар чыгъаргъанлар. Шондан бугюнлеге ерли савлай ­дюньяда  17-нчи ноябр Студентлени халкъара гюню деп оьтгериле.

Озокъда, оьрде де эсгергенибиз йимик, студентлени халкъара гюнюн савлай дюньяда тюрлю-тюрлю къайдаларда, оьлчевлерде оьтгерелер. Биревлер къайгъылы агьвалатланы эсге алалар, башгъалар  байрамча оьтгерелер. Бизде буса оьр охув ожакъланы арасында КВН-лер, спорт ярышлар, гьар тюрлю концерт программалар бола. Яхшы охуйгъан, гьаракат этеген студентлеге савгъатлар тапшурула.

Бизин мухбирибиз.

Авторизация
*
*
Регистрация
*
*
*
Согласны с условиями сайта?
Генерация пароля