Сетевое издание «ЁЛДАШ» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности Нацпроекты в РДПамятные датыТеатры и кино"Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт Единоборства Развитие спортаФК «Анжи» СоревнованияМедиасфераО газетеО сайтеСМИ БАННЕРЫ Наши партнерыНаши спонсорыСотрудникиАвторыАфишаГалереяРекламаЮбилейный номер
Сетевое издание «Ёлдаш» (Спутник)

Кёп адамгъа иш болажакъ

Кёп адамгъа иш болажакъ


        Ноябрни 26-сында Дагъыстанны Гьукуматыны Председатели Артём Здунов министрлени кабинетинде оьзю булан ишлейгенлер, шолай да ерли гьакимиятны ва балыкъчылыкъ булан машгъул идараланы бир нечелерини вакиллери булан бирче республикада балыкъ ишлетеген тармакъны оьсдюрювге байлавлу масъаланы арагъа салып къарагъан.


Гемелер тутагъан кильканы ишлетеген кюйню къайтара аякъгъа тургъузувну ва балыкъны ишлетеген тармакъны гене янгыртывну гьакъындагъы сёзге гиришгенче, Дагъыстанны Гьукуматыны Башчысы «Каспийский берег» деген онгача къуруму балыкъдан гьазирлеп чы­гъаргъан ашарлыкъ малгъа тергевлю кюйде гёз къаратгъан.


Сонг А.Здунов англатгъан кюйде, буссагьат бизин республикада бир геме 20-дан 30 тонгъа ерли килька балыкъ тута. Балыкъны еринде (бизде) ишлетип тюрлю къатыкълар болдурагъан кюйню этсе, шо заман респуб­ликаны экономикасына хыйлы хайыр болажагъын да ол мисаллар булан аян этди.


«Тутулагъан балыкъны къадары гюн сайын арта. Шону барысын да бизде ишлетип онгармагъа тарыкъ. Адамлагъа ишлер де болажакъ шо заман. Шону яшавгъа чыгъармагъа онгайлы бойланы тапгъанбыз. Энни шоланы болгъан чакъы тез ишге салагъан кюйню этмеге тюше. Шо бойлар, ерлер балыкъчылагъа оьзлеге де, балыкъны ишлетегенлеге де онгайлы геле», – дей премьер-министр.


Сёйлевлени вакътисинде белгили болгъаны йимик, 2020-нчы йылгъа етгинче йылда 30 минг тон увакъ чабакъ (килька) тутмагъа бажарылагъан кюйню этмеге умут бар экени малим этилген. Гьали денгизни республиканы пайына тиеген чакъысында балыкъ тутагъан уьч геме бар. Савлай 2018-нчи йыл балыкъ тутув булан машгъул бары да идаралар 1120 тон увакъ чабакъ тутгъан. Шону да 211 тонун гемелер гелтирип берген. 2019-нчу йылны башындан берли тутулуп турагъан кильканы къадары 3045 тонгъа етген. Шону 1742 тонун бир ай ярым вакътини ичинде гемелер тутгъан. Бу маълуматланы генгешде республиканы табиат байлыкълагъа ва экологиягъа къарайгъан министри Н.Къарачаев берген.


Гетген йыл Магьачкъаланы денгиз портундагъы балыкъ терминалны аякъгъа тургъузувгъа ва янгычалай этип къурувгъа байлавлу проект яшавгъа чыгъарылмагъа башлангъан.


Балыкъ тутув, ишлетив тармакъны бютюнлей ва генг кюйде янгыртывну масъаласына энни Краснодар крайны балыкъ промышленностуну ассоциациясыны да бек иштагьы гелген.


Балыкъны гьар тюрлю къайдада еринде ишлетмек муратда Дагъыстанда уллу 2 заводну къурмагъа онгайлы ерлени токъташдырмакъ учун ахтарыв ишлер юрюле. Заводланы бирисин Къаягент районгъа гиреген денгиз бойда къурмагъа гёз алгъа тутула.


Сонг да, «Балтийский берег» деген компанияланы Гюбюню иш кютюв директору Константин Петров да Дагъыстанда оьзлер балыкъ ишлетеген идара ачмагъа гьазир экенни билдирген. Оьзге кёп затлардан къайры да, Магьачкъаланы балыкъ портунда 2020-нчы йылгъа балыкъны ишлетип продукция чыгъарагъан уллу идараны ачмагъа хыял эте...


Къуршап айтгъанда, балыкъны ишлетип продукция чыгъарывгъа ва увакъ чабакъдан консервалар этеген тармакъны янгыртывгъа бакъдырылгъан проект ойлашылгъан кюйде этилип яшавгъа чыгъарылса, 1500-ден де къолай адамгъа иш болажакъ, 3,2 миллиардны оьлчевюнде кёмек акъчаланы ишни пайдасы учун къолламагъа, йылда 50 миллион банкадан да артыкъ балыкъ консервалар чыгъармагъа бюджетге, налоглардан таба тюшеген харжланы шайлы кюйде артдырмагъа бажарылажакъ.


 

Бизин маълумат.



Количество показов: 53
Автор: YOLDASH.news
29.11.2019 16:15
Подписывайтесь на канал yoldash.ru в

Возврат к списку


Добавить комментарий

AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта