Памятные даты

Россияны асгер макътавлугъуну унутулмас гюню

Сентябр айны 21-нде белгиленеген бирдагъы бир дав агьвалат тарихлени тавшалмас бетлеринде сакълана. Куликово майданда болуп гетген ябушув 1380-нчи йылны сентябр айыны 8-нде, эртен танг вакъти башлангъан. Бир башлап орус Пересвет ва монгол Челубей бетге-бет гюч сынагъан. Батырлар бир-бирине ургъан сю­нгюлени гючюнден экевю де шо ерде оьлген. Орусланы асгерини башчысы Дмитрий, простой солдатны опуракъларын да гийип, ябушувгъа гиришген. Ол оьзюню къоччакълыгъы булан уьлгю гёрсетип, оьзгелени де игит кюйде ябушмагъа чакъыра болгъан. Ябушувну вакътисинде Мамайны асгери гьужуму булан орус асгерлени сыдыраларын бузма башлагъанда, яшынып турагъан орус полк къаравулланмагъан якъдан таба ябушувгъа гирише. Орданы солдатларыны арасына пелекет тюше. Олар тура болгъан оьлтюрюлген орус солдатлар тирилип янгыдан ябушувгъа къошула бугъай деп. Шоллукъда, монгол-татар асгери алгъасап артгъа тартылма башлай. Ябушувдан сонг майданда къырылгъан адамланы арасында Дмитрий табылгъан. Ол оьлмеген болгъан. Тарихчилер англатагъан кюйде, бу ябушувда орусланы уьстюн гелмеклигини уллу агьамияты болгъан. Инг аслусу, о да – монгол-татарланы утма болмай деген инаныв токъташдырыв кюрчюсюз экенни англатгъанлыкъ. Максим ЭСЕНБИЕВ.
YOLDASH.NEWS 27 сент. в 23:11