Ёллар байлавлукъланы беклешдире

Россияда гьар йыл октябр айны уьчюнчю къаттыгюню Ёл къурувчуланы касбу байрам гюню деп белгиленегени мердешге айлангъан. Шо гюн бизин уллу уьлкебизни бары да бойларында, эллеринде ёл къурувчуланы касбу байрамы генг кюйде оьтгериле. Шолайлыкъда, арадан оьтген вакътиде этилген чакъы ишлени жамы чыгъарыла ва етишилген уьстюнлюклеге ла­йыкълы къошум болдургъан ёл къурувчулар харж ва ругь якъдан иштагьландырыла.

Дагъыстанда, белгили болгъан кююнде, гьавадан, ерден ва денгизден таба салынгъан гьар тюрлю оьлчевдеги агьамиятлы ёлланы узунлу­гъун токъташдырмагъа къыйын. Дагъыстанны чет тав шартларында къурулагъан ва янгыртылагъан ёлланы умуми санаву артып тербей.

Артдагъы йылларда бизин республикабызда «Мени Дагъыстаным – мени ёлларым» деген проект уьстюнлю кюйде яшавгъа чыгъарылып тура. Шону булан янаша «Онгайлы яшавлукъ шартлар» ва шолай да «Аманлыкъны ёллары» деген федерал программалагъа къыйышывлу болуп, белгиленген регион борчланы кютмеге гёрюлеген чаралар да тергевню тартмай болмай.

Бугюн бизге де адамланы талапларын гьисапгъа алып, гьаракат этип чалышагъан ёл къурувчулагъа аманлыкъ булан савлукъ, янгы уьстюнлюклер ёрамакъ къала.

 

Къ. Къараев.

Суратда: Дагъыстанны ёл хозяйство ва транспорт министри Ширухан Гьажимуратов гьаракатчы
ёл къурувчуланы савгъатлайгъан вакътиси.

Авторизация
*
*
Регистрация
*
*
*
Согласны с условиями сайта?
Генерация пароля