«Ёлдаш» къумукъ тилде чыгъарылагъан Дагъыстанны республика жамият-политика газети гьисапда оьз охувчуларына тезден берли танывлу. Айтмагъа сюегеним, арадан оьтген 104 йылны ичинде ону атлары заманны талапларына гёре бир нече керенлер алышына гелсе де, тек гьали де ол гьалиден 100 йыл алда йимик «Ёлдаш» деген атын тас этмегени гьакъда айрыча эсгермеге тюше.

Мен де къумукъ тилде чыгъарылагъан анадаш газетибизден эс тапгъанлы байлавлугъумну уьзмей 70 йылыма чыкъдым. Шону 50 йылын къумукъ печат булан байлагъанман. Буссагьатгъы вакътиде «Ёлдаш» газтеде ону яртатывчулукъ къуллукъчусу болуп чалышагъаным да 35 йылгъа ювукъ бола. Уллу Уралдагъы гьалиги Екатеринбург (Свердловск) шагьарда ерли Урал университетде журналистлер гьазипрлейген факултетин уьстюнлю кюйде тамамлап бугюнлерде де «Ёлдашда» экономика ва экология бёлюкню реадкторуну къуллугъунда чалышып тураман. Бёлюкню борчларын кюте туруп артдагъы йылларда редакцияны хас тапшурувларын да яшавгъа чыгъармакъ учун гьаракатны бошама къоймагъанбыз. Гьалиги заманда бёлюкню алдында токътагъан аслу борчланы бириси яшавлукъ-экономика тармакъда тувулунагъан масалаланы гётерив булан охувчуланы пайдаларын якълап чалышмакъдадыр. Демек, алда токътагъан милли борчланы ва пачалыкъ тапшурувланы гьисапгъа алып иш гёрюле. Шо саялы да «Ёлдашсыз» бир гюнюбюз де гетмесин демек къала. Язылайыкъ, охуюкъ ва сесленйик!