Вакцинаны заралы ёкъ

Вакцинаны заралы ёкъ

"Мен, коронавирус аврувну балагьын гёргенмен. Уьйагьлюм Буйнакск шагьардагъы яшланы больницасыны баш врачы болуп ишлей эди. О заман вакцина дарманлар да чыгъып битмеген эди. Авруп, узакъ къалмай гечинди. Мен де аврудум. Насипге къолай болдум.


Вакцина укол этилсе, вирус югъар деген къоркъунч таягъандан къайры аврувну гьакъындагъы ойларынг да тая. О болса да – менден арек деп ойлашасан. Биревлер, этмей къойсакъ да оьтер деген пикру булан шо бек тарыкълы къуллукъдан къачып юрюй. Тек шо тюз тюгюл экенине мен инангъанман.


Бизин Магьачкъаладагъы «Колледж ГО ЧС» деген касбу билим берив идарабызда кёп яш охуй. Дарс беривчюлеге вакцина уколлар этмекни таклиф этип англатыв иш юрютебиз. Бир керен англамаса, экинчи, учюнчю керенлер англай. Англамай да не бар онда…


Озокъда этдирсе яхшы. Заманны талапларына гёре Роспотребнадзорну янгы постановлениеси булан кёбюсю идараларда ишлейгенлеге (эгер де врачлар ярамай деп айтмаса) вакцина уколлар этилме тарыкъ. Савлукъ сакълав, билим берив, жамият транспорт, ЖКХ ва халкъ булан къатнашагъан оьзге тюрлю къуллукъчулар да шо категориягъа гире.


Биревлени, гючден этдире деп эсине гелсе де, савлай уьлке оьлчевде алып къарасанг – гьакимленики тюз болуп чыгъа. Бир зарал да ёкъ, гьавайын эте оьзюню де, неге сюймейгенлер кёп, англашылмай", - Имамутдин Хизриев, АГЗМК охув ожакъны учредитель-ректору.