Вакцина – бизге борч йимик

Вакцина – бизге борч йимик

"Мен Тёбен Къазаныш эки номерли орта школада учитель болуп ишлеймен. Иш уьстде яшлар булан, ата аналары булан ёлукъма тюше. Шо саялы да югъагъан аврувлардан арек болма тарыкъбыз. Оьзюбюзден къайры яшланы савлугъу учун да бизге вакцина уколлар этилмесе къыйышмай. Шо, педагогика коллективде борч йимик болуп да къала.


Яшлар булан ишлемек – тындырыкълы кюйде санитар нормаланы сакъламакъны да талап эте. Бугюн инг тарыкълы санитар норма – коронавирусну яйылывуну алдын алмакъ учун этилме герекли вакцина уколлар. Мен оланы кёп ойлашмай этдирдим. Инанагъан саялы тавекеллик тувмады. Яман болгъан буса пачалыкъ янындан да якъланмас эти.


Бирдагъы янындан уллу коллективде ишлейген адамлар гьар гюн йимик кёп ёлугъабыз, сакълыкъ сакълама герекбиз, бир-бирибизни гьакъында ойлашма тарыкъбыз. Шону учун да вакцина уколлар этмесе ярамайгъанны англап кёбюсю учителлер этген.


Этме ярамай деп ойлашагъанлар ёкъ, биревлерден бир тюрлю эшитгени болуп, ичине тавакеллик салма болмай, эки гёнгюллю ой тутагъанлар бола. Олар да узакъ къалмай кёбюсю юрюйген ёлгъа багъып тюзлене. Ондан зарал ёкъ экенни англама къыйын тюгюл", - Патимат Татаева, Тёбен Къазаныш юрт.